期指觀瀾：耐心等待入市機會
上周五美股急跌，但昨日港股跌勢卻比預期溫和，期指以24,388點開出後，很快在24,350點確認支持，好友相當有耐性地逐少推高上落區間，午市前高位見過24,496點，午後再試挑戰，在現貨收市後，曾經見過24,534點，最後日市收24,504點，高水19點。
恒指昨跌22點收24,484點，但整體大市有過千隻股份插水，比上升股份多出近倍。早前指數攻上24,995點，留下三個上升裂口，當中第二個裂口24,373至24,438點，昨日亦已被補回，只剩低23,997至240,16點的一個，不過如果要完全補回，意味23,590至24,995點的短期升浪，要回試69.7%的升幅調整。
睇牛熊證街貨分布，牛證打靶高峰在24,300至24,399點之間，相當於千一張期指，反之再殺落去24,000點，再有額外千一張左右，值唔值得？對此實在有保留，始終指數在24,313至24,369點應有支持。
當然，掉轉頭即市開好倉的話，恒指博上去空間唔多，10日線的24,584點及上周五開市一刻高位24,771點阻力唔細，寧願贏少浸都唔輸番出去，係等破24,313點，甚至止蝕盤殺落24,126點（現貨計）至買，但出現的可能性只係五五波，唔得惟有得個睇字。
John Mullen