絲絲講場：HK Express爭客鬥航點多
依家廉航爭客爭崩頭，HK Express就一於鬥平外，仲鬥多航點，公司計劃今年增加多至少十個航點添，對鍾意旅行嘅香港人真係好消息！不過油價跌咗咁多，燃油附加費唔知有冇得取消呢？可惜要令大家失望喇。
拒跟亞航撤燃油費
國際油價近幾個月真係跌得好甘，廉航亞航就宣布唔收燃油附加費。不過，HK Express就話唔跟風，行政副總裁Andrew Cowen講，依家油價仲係好波動，暫時冇計劃取消燃油附加費，繼續係因應油價變化而調整咁話！
尋日HK Express同時公布新增柬埔寨航線，係公司第17條航線，不過今年十月先開通，尋日開始接受預訂，單程票價180蚊起。他又話，公司今年計劃增加機隊至15架飛機，同埋增加10至12個新航點，將繼續做減價活動喎。
余絲韻