香港人鍾意跑步，除咗渣打馬拉松之外，絲絲發現原來新世界發展喺深圳前海都搞咗個運動嘉年華，吸引逾3,000名好手參加呢個別開生面嘅「馬拉松」賽事。
話說個嘉年華其實早過渣打馬拉松一日舉行，由新世界發展贊助及承辦，名為「前海首屆深港運動嘉年華」，超過3,000人參加今次活動，當中有超個60間來自新世界成員公司嘅員工出席。最矚目嘅賽事當然就係「馬拉松」項目，不過路程就短咗啲，只有五公里啫。
而新世界系「第三代傳人」鄭志剛就負責主持今次五公里「馬拉松」嘅鳴槍儀式，不過唔知係咪因為平日工作比較忙，無咩時間做運動，所以今次佢就無落場同選手跑埋一份。
余絲韻