近期半新股有「鑊氣」，股友自然聞風而至，輝立証券旺角分行經理譚思聰接受「on.cc東網」訪問時說：「玩開細價股，甚至部分玩開藍籌股嘅股友，呢兩日都吼半新股，一見有大盤掃貨即刻入市坐順風車，佢哋主要玩泰加保險（06161）、日成（03708）、新龍移動（01362）等，仲密食當三番添！」
昨多隻半新股名列廿大漲幅股份榜，譚思聰說：「相關股份一上榜就不得了，吸引更多人留意，成交旺上加旺，落盤電話有兩成都係半新股交易！」昨漲幅最驚人是去年七月上市的恒寶企業（01367），漲逾52%，惟因甫開市已爆升，不少買入散戶賺幅僅約5%。
致富證券大圍分行經理石泳傑說：「本周初滙控（00005）跟隨大市跌到得番70元，有散戶一於豁出去，『拿拿聲』撈幾手，等咗幾日終於修成正果！滙控咁大隻藍籌，喺一周內漲近3元，已經好厲害。」