事緣舊年十二月底，和諧汽車引入鴻海全資附屬公司富士康，成為第二大股東，持股大概11.76%，無幾日後，和諧汽車就話想收購浙江綠野汽車，染指電動車行業。
中金報告仲話，日後綠野汽車同鴻海緊密合作，和諧汽車開始正式進入電動車製造領域咁話。咁又有咩玄機呢？
攻電動車撼比亞迪
傳聞話郭台銘旗下嘅富士康同比亞迪，一直都有牙齒印，睇番啲資料，佢哋仲打過官司添，都係離唔開搶生意、挖角、商業紛爭等等，不過各執一詞，誰是誰非都無法得知。
比亞迪做電動車就係人都知啦，仲得到股神巴菲特垂青添。正正因為咁，郭台銘借和諧汽車進軍電動汽車，除咗發展呢個範疇、同比亞迪鬥過之外，仲有無限想像空間。
余絲韻