相信大家都記憶猶新，美聯近年發生幾次「兵變」，即係多位高級管理人員辭職或被炒魷，部分原因都係話黃靜怡缺乏前線地產代理經驗。不過絲絲問過美聯啲好姊妹，如果單係睇數據，集團近年市佔率、盈利都有改善，一班管理層包括黃靜怡在內真係功不可沒。
專責集團發展方向
換言之，美聯會有兩位董事總經理，原董事總經理黃子華繼續留任，會專責政策推行及統籌銷售營運，而黃靜怡專責集團整體策略及發展方向。
另外，值得一提嘅係黃靜怡媽媽黃鄧美梨，將會從美聯工商舖（00459）董事總經理及執行董事退任為非執董，但會保留主席職位。至於佢收取一年12萬元董事袍金將會付予美聯集團。
余絲韻