隨住社會進步，同性戀群體愈嚟愈被大眾認知同接受。而且，好多跨國企業同金融機構高層都係同性戀者。尋日絲絲參加咗一個由華爾街大行發起嘅同性戀社群（LGBT）論壇，就見到唔少熟悉面孔，有高盛執董蔡家聰、英國石油公司（BP）前行政總裁Lord Browne，同埋巴克萊、花旗、德銀等大行嘅一班高管。
連滙控（00005）行政總裁歐智華都到場撐班員工同LGBT社群。佢致辭時話，雖然佢自己唔係Gay，但亦明白到多元化社群對集團有幾重要，因為只有一個包容多元化嘅工作環境，先可以令員工發揮所長。
佢又話，只有理解多元化社群，先可以了解唔同取向嘅客戶有唔同需求。
余絲韻