英國《金融時報》爆料，華爾街大行之一嘅高盛牽頭，夥拍Google和財經網站CNBC一齊投資咗1,500萬美元（約1.17億港元），入股一家金融分析初創公司Kensho。
據介紹，Kensho可以自動完成過去人力密集型嘅研究，以Siri語音方式回答數以百萬計嘅金融問題。
Kensho係借助大數據功能，通過掃描經濟報告、貨幣政策變更、政治事件等九萬多份資料，為六千五百萬個問題即時搵到合適答案。雖然話，基金分析員都可以找到以上所有資料，但就要用好幾日時間囉。
作為牽頭行，高盛將會喺自己嘅各個業務部門部署Kensho，並將其推廣給一些大客戶。
咁搞法，如果Kensho受市場歡迎，難免會打爛一眾分析員嘅飯碗。
余絲韻