期指觀瀾：彈力未夠先行觀望

滬港通通車，恒指衝上24,313點，以穿頭破腳收場，25,362至22,565點的0.618反彈阻力24,294點，確認挑戰失敗，輾轉四日，指數最低跌至23,252點，逼近22,565至24,311點的0.618支持位23,233點，相信或多或少都會有短期支持。

昨日大市早段一度於即市低位作出反撲，出現一段由23,252點抽上23,461點的反彈，相信有相似睇法的短線投資者應該唔少，可惜三桶油在國際油價偏軟下，始終唔夠力撐起大市，昨日午後升幅收窄，指數已經掉頭。

十一月期指未平倉數字連跌四日，由高峰的11萬張縮至10.68萬張，似乎sell on fact的淡友有鳴金收兵之手影，恒指要跌到十月兩個低位，23,012點及22,868點才見反彈，抑或在23,233點的基礎上先來一次後抽？但23,430點相信已經有一定阻力，權衡值博率之後，假期前都係一動不如一靜。

John Mullen