聘演藝人度橋宣傳
絲絲上去睇過，Twitter今次想請當然唔係茶水阿姐咁簡單，佢哋要請一個負責大中華區嘅Media Partnership Manager，根據廣告上嘅資料，呢份工係負責搵區內具有高知名度嘅用家、演員或者運動員，建議佢哋喺日常多啲用Twitter。
製造名人效應外，亦要同其他媒體合作，確保佢哋會開Twitter戶口，仲要度橋諗宣傳策略，同為名人用家提供技術支援等。至於要求方面，除咗要熟悉演藝行業，仲要有好強嘅說服力同演講技巧，至少要5年演藝行業相關經驗。
呢份工聽起嚟可以同名人做朋友，應該好好玩，而且科技公司向來善待員工，人工應該都唔會低，咁正嘅筍工，絲絲都想試吓。
余絲韻