潤地主席突劈炮
潤地尋日發通告，執董兼主席吳向東因為個人理由辭任公司董事會主席職務，啱啱過咗嘅星期日生效，而執董唐勇就會做董事會副主席，同埋主持董事會工作，不過就未有交代新主席嘅人選。事實上，吳向東出任潤地主席一職嘅時間並唔長，由前主席王印手上接過主席職位，只係短短17個月嘅時間，咁快唔做，令絲絲有啲意外！
Tesco累華創盈警
同系嘅華創亦都好「陰功豬」，畀買咗冇耐Tesco拖累，要發盈警，投行即時冇面畀，出埋報告「踩多腳」。咁嘅身世，投資者梗係放棄孖寶，買其他嘢，有乜辦法唔畀滬港通呢班車，輾到周身傷。
余絲韻