絲絲講場：碧咸搭上「光棍」賣酒
為咗光棍節，大家可以去到幾盡？估唔到連萬人迷球星碧咸（David Beckham）都打「雙十一」主意，佢尋日就現身杭州，據聞會趁住呢個網購大節日，推廣佢隻威士忌品牌。
馬雲親自陪遊淘寶城
碧咸尋日現身杭州阿里巴巴園區淘寶城，喺馬雲嘅陪同下，參觀總部，一班「爸打絲打」見到碧咸，即刻「We哇鬼叫」。
鬼咩，碧咸一身紳士打扮，靚仔到爆燈，張靚相仲貼咗喺社交網，個版洗完再洗。
借天貓Sell自家威士忌
老友話，碧咸嚟淘寶城係為咗「雙十一」活動造勢，絲絲就認為，呢次係雙贏嘅合作就真。
自從馬雲入股恒大足球隊後，當然好清楚足球帶嚟嘅巨大關注度，於是就喺即將開始嘅淘寶「雙十一」活動中，打出碧咸呢張王牌。至於碧咸，作為威士忌品牌嘅合夥人，將會透過天貓進行全球首次發售，碧咸亦會作為淘寶「雙十一」期間嘅「明星拍檔」，為全世界粉絲發紅包。
余絲韻