小米智能電話，以平價通殺，就算用開高端機嘅用家都肯試用，更何況係絲絲呢類精明消費者呢，仲一次過買幾部唔同型號試吓。小米一早已經衝出中國，打入其他市場，同內地一樣人口咁多嘅印度市場，必然係目標啦，為咗強攻呢個市場，小米仲喺Google挖咗印度裔嘅Jai Mani返嚟幫手。
小米向Google高層埋手都唔係第一次，依家嘅小米國際副總裁Hugo Barra就係Google嘅前任高管。
而Mani嘅實力亦都不容小覷，原來佢係前任Google主管，以前同Barra成日合作，嚟緊佢即將帶領小米嘅印度產品團隊，搶攻印度客戶。除咗要同Apple、Samsung呢兩個大牌子競爭之外，當地品牌Karbonn同Micromax都係佢哋嘅對手之一，佢哋分別擁有印度市場8%同18%嘅市場佔有率，證明今次呢份工真係好有挑戰性。
根據印度報章報道，小米兩個月之後就會喺當地開賣大芒機「紅米Note」，而旗艦機「小米4」亦會喺年底上市，到底Mani會為小米帶嚟啲咩改變呢？
余絲韻