有「中國版Uber」之稱，啱啱喺香港上市嘅神州租車（00699），成功集得超過36億港紙，話口未完就立即打減價戰。不過神州租車喺香港仲未有得搭，錢就我哋畀，優惠就冇我哋份，依家算點先？
神州租車尋日宣布，喺全國範圍（但不包括香港）展開大規模減價促銷行動，包括所有車型，不限量亦不限時。好似Honda Fit，KIA嘅K2等，呢啲原本日租至少100蚊人仔嘅熱門車都會減價至日均租金59蚊人仔。
公司喺上市前話過會將集資所得擴大公司嘅市佔率，好彩佢哋上市後股價都算靚仔，累升咗三成半，我哋班小股民都叫有賺。如果唔係，攞我哋啲錢補貼人地租車仲要蝕埋，唔嬲就假啦！
余絲韻