位於東京中央區銀座伊漢大廈5樓嘅RUCA美甲Salon經常會有當地藝人嚟幫襯，店內仲設有私人包房，畀顧客充分享受放鬆愜意嘅美甲過程。
舖頭面積唔算大，得八個座位，而公司另一分店就喺神奈川縣青葉區、橫濱市青葉台嘅RUCA x ANGEL。
聽講，舊年一套改編自韓劇「美甲店巴黎」嘅日劇，取材同環境布置正正就係呢間RUCA Ginza。
該店擁有JNA2級技師資歷嘅美甲師栗原由希子對絲絲講，雖然日本今年四月開始加消費稅，搞到當地零售業大受打擊，但係美甲行業就完全冇影響，而且美甲行業嘅去年產值超過2,000億日圓（逾140億港元），近年都有雙位數嘅年增長，可以話係日本首屈一指嘅朝陽行業。
不過，由希子話想入行一定都唔容易，要通過日本美甲技師協會（JNA）嘅考試，共有三級技師認證，要修畢課程要成200萬日圓（約14萬港元），但係每年合格率只得兩成，難過考大學。
由希子仲話，在日本時尚雜誌「non-no」、「Oggi」等等中活躍的人氣Model佐佐木希，都係RUCA嘅熟客。
余絲韻