話說絲絲尋日上網無聊周圍撳，竟然畀我見到facebook創辦人朱克伯格拎住桶冰水兜頭淋自己，淋完仲要震一震講咗句「好凍」，因乜解究佢要咁樣自虐呢？
原來佢日前畀美國新澤西州州長克里斯蒂（Chris Christie），點名參加ALS冰桶挑戰。被點名嘅人要拎住桶冰水淋落自己度，或者捐錢畀幫助ALS嘅慈善團體，亦即係肌肉萎縮性脊髓側索硬化症嘅病人。
畀人點名之後，朱克伯格都無托手（月爭），自動淋完冰水之後都有捐錢，之後仲繼續挑戰，點名揾三位名人朋友挑機，要佢哋喺24小時內參加呢個挑戰。
你估邊個畀佢點咗名？其實咪就係微軟創辦人蓋茨（Bill Gates）、美國串流媒體播放公司Netflix創辦人黑斯廷斯（Reed Hastings），同埋facebook營運總監桑德伯格（Sheryl Sandberg）。
個冰桶挑戰夠哂刺激又幫到人，何況家陣美國天氣咁熱，班富豪名人捐錢自然無所謂，反而照頭淋番桶冰水，不知幾享受添，唔信？睇吓朱仔淋完水，咪幾Enjoy！
余絲韻