大家未必識Kabam，原來《亞瑟王國》同《哈比人》呢啲遊戲都係由佢開發。公司舊年銷售額已超過3.6億美元，足足係前年嘅兩倍，阿里就係睇中佢驚人嘅發展潛力，一次過注資1.2億美元。阿里仲安排一名高管入Kabam嘅董事會。目前Kabam估值超過10億美元。
夥Kabam推《魔戒》遊戲
其實阿里咁大手筆投資，擺到明係要大力發展手遊。第一步就係推出《魔戒》系列嘅遊戲，未來三年仲會陸續發布10個新遊戲，真係值得大家期待一下。
Kabam嘅創辦人周凱文都好滿意今次嘅合作，話晒全球有一半收入係嚟自亞洲，同中國科網巨頭合作，就等同進軍全球最大嘅遊戲市場，到時銷售額可能又會再翻倍。
余絲韻