《華爾街日報》專文報道一項名為「深喉計劃」嘅最新進展。話說美國證券交易委員會（SEC）喺一一年推出呢個「舉報者計劃」，以巨額獎金鼓勵國民揭發罪案，提供有關企業或商家嘅違法證據。
計劃至今已經吸引嚟自68個國家、共6,500多位舉報者，有趣嘅係當中退休人士所提供嘅線索最多。
任何人若掌握充分證據均可向SEC提供自己同涉嫌犯罪者嘅基本資料、犯罪行為嘅內容。如果SEC認為消息來源可靠並且判斷當中有人涉嫌違反聯邦證券法，就會採取執法行動。
如果最後SEC成功破案並向違法者判處100萬美元以上嘅罰款，檢舉者亦可獲得當中唔多於30%款項作為獎金。
整個過程需時幾年，當中絕大部分嘅舉報最後都不了了之，由一一年至今，計劃成功揭發咗5宗案件，相關賠償總額高達1.5億美元，舉報者亦獲得超過1,500萬美元獎金，當中有1,400萬美元更加係由1位揭發芝加哥商人訛騙投資者嘅舉報者所獲得。
值得留意嘅係，6,500名舉報者中退休人士提供嘅線索最多，投資者及工程師則分別排名第二和第三，舉報者當中還不乏服務行業人士添。
余絲韻