各位鍾情藝術品同古玩嘅朋友今個星期六有好去處啦！美銀美林星期六會喺中環置地廣場告羅士打大廈搞場慈善拍賣，拍賣品超過150件，總有一款啱你心水啩。今次拍賣豐儉由人，唔少拍賣品底價低至數千蚊，等大家有機會淘到好貨。
拍賣嘅係一系列亞洲藝術品同收藏品，其中幾件鎮山之寶包括唐三彩釉陶馬、緬甸王子彩繪木像同藝術家汪國新國畫Sage on Ox，啱晒儲開精緻雕塑品同靚畫嘅收藏家。
冇玩開藝術品嘅朋友都不妨去睇睇，支持一下美銀美林嘅善舉，因為今次拍賣會所有藝術品都係由美銀美林捐出，所籌得嘅善款會捐晒畀國際十字路會，愛心一百分，十分抵讚。
余絲韻