每一年嘅巴郡周年股東大會都會吸引一眾粉絲前往朝聖，會上有人想一睹股神巴菲特風采，亦有人想從股神口中得到投資以至人生啟示。
今年有一位男股東更是別出心裁，借住呢個盛會做啲私人嘢，扮去買頸鏈，實質買求婚戒指比女友兼求婚，難得巴菲特玩埋一份，最後梗係大團圓結局啦。
呢位男股東希望以驚喜方式向女友求婚，於是假裝同女友到巴郡旗下珠寶商Borsheims選購頸鏈，途中巴菲特過來與二人見面及推銷頸鏈，左揀右揀，其實邊係揀頸鏈吖，大家扮吓嘢咋。
巴菲特喺呢個時候，就神神秘秘喺個西裝袋入面，攞咗個盒子出嚟，打開一看，原來係預先準備好嘅訂婚戒指，男主角亦即場下跪向女友求婚，女友當然十分驚喜同感動啦，邊咀兼且答應求婚。
在場每一個人都好戥佢哋開心，巴菲特仲親自斟香檳同男女主角舉杯慶祝添。
早已承諾捐出身家嘅巴菲特亦喺會上提到，死後會捐出所有手持嘅巴郡股份，現金就會留畀妻子。
余絲韻