3D激光技術採集街景
騰訊地圖喺過去3年已經拍攝咗內地123個城市街景，預計喺今年年尾，就會拍晒中國300個地級市。
今次喺港澳嘅拍攝，就首次採用「3D激光技術」，喺街景採集車度安裝全景相機，就算係高速行駛都可以做到360度掃描，而且用激光技術掃描出黎嘅街景仲會更加高清同精準。唔止咁樣，地圖仲加入咗時光機、日夜景同評論嘅功能，絲絲聽到都覺得相當創新。
不過，實景地圖一直都有樣好麻煩嘅問題，就係侵犯私隱。Google一向嘅做法就係將全部公共車輛嘅車牌打晒格仔，但望一望騰訊嗰邊嘅地圖，無論係人定公共汽車，都唔係全部有打格仔，搞到絲絲都有少少擔心，咁樣騰訊地圖分分鐘畀人話侵犯私隱喎。
余絲韻