洪丕正自九二年加入渣打，先後喺香港、英國擔任多個重要職位，企業、商業、零售銀行、投資者關係呢幾瓣都難佢唔到！過去六年，洪丕正作為香港區嘅行政總裁，成績有幾好？相信大家都有目共睹啦！如果唔係，集團又點會對佢委以重任呢？委任大中華區行政總裁話晒都係落實地區性架構嘅里程碑嘛！
白承睿讚不絕口
今次嘅新任命，佢會管理中港台三地嘅業務，繼續直接向集團執行董事兼行政總裁白承睿匯報，連白承睿都對洪丕正讚不絕口，猛話「有信心佢會繼續帶領大中華地區，為渣打再創佳績！」絲絲一向覺得洪丕正係一流嘅Leader，實在好期待渣打未來喺大中華區嘅業績表現呀！
余絲韻