原來個銅錢係用黃水晶造，上面仲刻住「普惠金融」四個字，公司希望用小額貸款幫到全中國有需要嘅人。
掛牌首日守住底價
呢種胸襟，絲絲覺得同古時嘅俠氣有點相似，「普惠金融」概念可以幫到好多喺內地實力冇咁深厚嘅中小企業，唔單止係國企或者大公司。哈行董事長郭志文都好似大俠，喺搭正九點半開市嘅時候，拎起支鼓棍，大力擊鑼，繼而大叫，「吼！」好有東北大漢嘅氣勢。
講番個銅錢，絲絲知道黃水晶利財運，所以哈行表現都OK，喺內銀股唔算好牛氣嘅時候，全日都冇跌穿過招股價，但小股東每手帳面賺得10蚊。絲絲希望黃水晶快啲發功，幫哈行資產質素同盈利表現雙雙大升，認購咗哈行嘅小股東全部賺大錢，銅錢變疊鈔票。
余絲韻