絲絲講場：投資要贏最緊要「平」？
私募基金橡樹資本（Oaktree Capital）畀彭博形容為全世界最大嘅不良債基金，做得創辦人兼主席嘅馬克斯（Howard Marks）當然有一套獨到賺錢心得，曾經喺七十、八十年代任職花旗嘅佢似乎因為當時嘅工作經驗有好大得着。
買「Nifty Fifty」蝕大錢
話說「超靚50」（Nifty Fifty）呢個潮語喺六、七十年代嘅美國好流行，用嚟形容50間喺紐交所上市嘅最受歡迎企業，而呢啲公司往往被視為可持續增長股份，不過當馬克斯喺花旗做嗰時，公司有一套好唔同嘅理念，基於佢哋試過買全美國最好50間公司，之後慘淡收場蝕大錢，所以之後就改變策略，買最差嗰50間美國企業，結果反而大賺。
花旗喺一九七八年開始叫馬克斯研究高息股，佢就為花旗建立咗一個相關投資組合。佢今日望返轉頭，就話其實好容易就發現，原來想投資得利，買咩唔重要，最緊要係買得平。
余絲韻