到上海見官商學者
今次係科斯托洛第一次踏足中國，不過就只會去上海，據聞會見上海市官員、自貿區代表同埋一啲學者、學生見面。內地媒體引述發言人，話佢想多啲了解中國文化及中國繁榮嘅科技領域。
舊年上海自貿區喺籌建階段時，曾經有報道話中國可能會解禁Facebook同Twitter，不過官方好快就否認呢個消息。Twitter都曾經明確咁否認佢哋將會喺近期喺中國開設辦事處、接受中國法律規管。
一直以來，Twitter高層都淡化緊喺中國申請牌照開公司可能性，但對手Facebook態度鮮明好多，CEO朱克伯格就去過中國好多次，仲公開咁講進入中國、將中國同世界相連，係佢嘅任務。
余絲韻