日本央行議息，基本上無咩睇頭。反而係議息會前幾日的經濟數據，全部都差過預期。日本於四月就上調銷售稅，可能連日本央行都答唔到你對經濟的負面衝擊有幾大。
一路以來大家有兩個估計：國內居民打算喺四月一日前趕住消費，令第一季經濟數據有好轉；另央行推QE的日子可能係四月或六月，如果四月倉促，六月先推，可能畀足夠時間央行做評估，就算推QE，喺規模上面可以拿捏準一些。
不過，現時企業開支縮咗，會唔會大幅加人工仲係未知之數，如果人工無加，銷售稅推出後可能迫央行要進一步量寬的壓力就愈來愈大。
技術上，美元兌日圓由年初自105.40開始出現調整，已幾可確認見底回升，阻力區仍然係103.50至103.80間，只要本周聯儲局議息，耶倫進一步確認聯儲局退市步伐未變，一個收水一個放水仍然係今年匯市主題，建議101.10買入美元兌日圓，後市有力升穿阻力，挑戰年初高位105.40，止蝕100.30。
GMO CLICK環球通副總裁 陳健豪