Look's Asset Management董事總經理兼投資總監陸東（Andrew），一向都對私事封晒嘴，原來佢近排開通咗facebook，仲同朋友開心Share食片皮鴨同小籠包嘅靚相，令佢破戒嘅源頭就係幾隻狗仔囉！
Andrew話早前佢領養咗狗仔，對方想領養者Update狗仔近況，所以佢先會出Post，絲絲八卦走去（目及）吓，睇嚟佢養咗五隻狗仔，不過唔知邊隻令佢破戒！除咗幾隻愛犬之外，佢都好鍾意食嘢o架，早前就Post咗去上海食小籠包同片皮鴨嘅相，佢就笑笑口話，咁啱順手啫。
咁啱發現Andrew呢幾日生日，絲絲祝佢生日快樂，基金跑贏大市！
Andrew係TCL通訊（02618）獨立非執董，仲幫公司做埋手機代言人，佢話用咗半日影咗批型仔相，Andrew講笑話，初頭睇都唔認得自己喎！
阿里巴巴同騰訊（00700）喺網絡世界「隻揪」，Andrew就話相信依家呢轉科網熱比千禧年實在勁得多，但因為「中國模式」就係一有熱潮起，會一窩蜂去做，所以佢都唔敢講兩者係咪會獨大，不過佢就驚嘆網購威力強勁。
余絲韻