研究收入不平等
克魯格曼話原本就打算做多啲公共政策嘅研究，撞啱幫手搭路嘅CUNY開個位畀佢，佢又可以順道由新澤西州搬返兒時長大嘅紐約老家。
克魯格曼早幾日喺佢《紐約時報》專欄度自爆未來去向，話工作上嘅轉變唔會影響到呢個專欄，強調過檔CUNY唔係代表普林斯頓有乜唔好，只係自己想多啲時間搞吓公共政策研究，特別係收入不平等呢個問題，相信世界上冇乜邊個地方比得上盧森堡收入研究中心，可以提供到一流嘅環境去做呢方面研究。
CUNY出名盛產諾獎得主，除咗有十二名校友攞過諾貝爾獎，英特爾前行政總裁格羅夫，同埋拍過長壽電視劇《宋飛正傳》嘅諧星謝利辛洛菲，都係呢度嘅校友。
余絲韻