阿里巴巴旗下餘額寶可謂顛覆金融界嘅神話，由開始運作至今僅八個月，開戶人數已衝擊8,100萬新高，市傳資產規模突破5,000億元人仔，用戶數量甚至超過A股股民6,700萬之數！
連中證監主席肖鋼都話，餘額寶嘅高收益對資金流入股市帶來壓力，為A股市場敲響咗警鐘。
內地有「七二一」投資定律，即十人炒股，七人輸錢，二人持平，一人賺錢。雖然未至於十賭九輸，但精明嘅投資者都寧願將存款放入餘額寶，就算餘額寶尋日嘅收益率跌破六厘，但投資股市嘅興趣仍然係一般。
中證監要增加A股市場吸引力，應該要做出一個更強更大嘅藍籌股市場，推動上市公司現金分紅，或者取消紅利稅。
余絲韻