絲絲講場：馬化騰腰痛 兩會甩底
騰訊（00700）主席馬化騰唔止係科網界紅人，亦係呢個界別內首位全國人大代表，唔少中外媒體原本冀望借一年一度嘅人大政協兩會之便採訪呢位紅人，點知馬化騰今年甩底。原來佢唔係留番啲時間同馬雲大戰，而係因腰傷無法出席啫，馬總做嘢出晒名勤力，絲絲祝願佢要好好休養啦。
馬化騰今次缺席唔多唔少都令好多人大失所望，騰訊近期係港股嘅風頭躉，佢去到邊都係焦點人物。據絲絲了解，佢因為腰椎舊患，要遵從醫生囑咐，休息靜養一段時間，所以連兩會都要缺席。
出名勤力 卧床照辦公
其實馬化騰都唔係第一次因為腰患卧病在床，喺騰訊仍處於起步階段尋求融資嘅時候，馬化騰就做咗兩次腰椎手術，但佢非常勤力，第二次手術後，可以瞓喺床上辦公喇。
余絲韻