胡潤研究院做嘅全球富豪榜尋日發表，結果唔太意外，微軟創辦人蓋茨揮低墨西哥富豪斯利姆，重奪全球富豪榜首，財富達到4,100億元（人民幣‧下同）。而Tesla嘅始創人埃隆馬斯克財富就上升四倍達400億元，堪稱係榜內飆升速度最快嘅富豪。
其實呢1,867位擁有超過十億美元嘅上榜富豪，資產真係多到絲絲想像唔到，總財富達到69,000億美金，仲勁過第三大經濟體系日本嘅GDP！上榜富豪平均年齡64歲，比舊年大一歲，女性佔九分之一，比去年略高。
亞洲擁有最多十億美元富豪，有824位，大部分從事房地產行業，華人富豪達到457位，佔全球24%，其中291位嚟自大陸，64位住喺香港，37位在台灣，2位在澳門，63位住在外國。
全球前100位中有7位係華人，包括長和系主席李嘉誠（全球排名第十二）、萬達集團董事長王健林（排名廿六位）、恒地（00012）主席李兆基（排名三十四位）、新世界（00017）創辦人鄭裕彤（排名四十九位）、騰訊（00700）主席馬化騰（排名七十位）。
余絲韻