絲絲講場：花旗盧韋柏金色上身
金色很容易畀人好土豪嘅感覺，要將金色着上身，真係唔係人人Carry得到。凡事都有例外，原來花旗集團香港及澳門區行長盧韋柏（Weber）兩公婆都好夾金色，真係大方又得體。
配合香港金盃主題
為咗配合一年一度嘅「花旗銀行香港金盃」賽馬日嘅主題，聽講成個活動都以金色作主題，連Dress Code都訂為金色，聽講Weber專登買咗條金色呔，襯番老婆一襲貴氣嘅金色長裙。
今次活動場面實在係金碧輝煌，仲吸引咗約230名賓客出席，唔知係咪因為活動設有一個「最佳衣着大獎」，所以每位賓客都悉心打扮，出盡法寶，喺衣着道加入金色元素，女人多數都帶金耳環、金頸鏈，再唔係就襯埋金外套，男人就最簡單，打番條金呔就搞掂，或者帶隻低調嘅金錶囉。
雖然Weber同太太襯到絕，之但係佢兩位最後都失落「最佳衣着大獎」，聽講男得獎者由頭到腳都以金色系打扮，真係無得輸！
余絲韻