花旗香港呢項咁特別嘅安排，原來係首次推出，聽聞反應唔錯，喺旺角、中環、太古城、銅鑼灣呢啲較大型嘅分行尤其受歡迎。絲絲八到，就算唔係花旗香港嘅現有客戶，只要係入內查詢或者等候銀行服務，都可以享受得到，話晒過門都係客嘛。
送賀年禮物夠應節
呢個名為「送您熱飲，暖入您心」嘅活動，只係頭炮活動。花旗銀行環球個人銀行服務銷售及分銷業務主管林智剛話，各分行將會陸續推出季節性小禮物，希望帶畀客戶驚喜。
臨近農曆新年，好多銀行都會向客戶派發利是封、揮春等賀年禮物，花旗香港亦送出別致嘅新年掛飾，上面印有傳統剪紙設計嘅馬形圖案，相當應節。
余絲韻