佢一話買，尋日就傳佢買嘢，不過唔係酒店，係英皇道一項物業，據聞呢單傳聞係流料，證明市場好關注佢會買乜。
除咗磚頭之外，佢又自爆增持自己公司股票，近排已動用近2.5億元增持。
前晚美聯搞周年晚宴，絲絲有幸成為坐上客，唔使為咗張入場門券爭崩頭，晚會主題係「一個美聯成就千億夢想」，場內衣香鬢影，絲絲撞到好多地產發展商，當然唔少得一大班物業投資者啦。
員工奮鬥結集成書
副主席黃靜怡都有上台致詞，婚後嘅黃小姐明艷照人，更道出美聯成立40年來，為不少從業員成就夢想，剛晉升為住宅部行政總裁嘅布少明，就係其中一個成功例子。佢哋仲將幾十年來喺美聯打拚，成就夢想嘅員工故事，結集成書在會場內派發。
余絲韻