獨立企業財務顧問通常會以專業形象示人，絲絲尋日睇到英高集團個官方網頁，除咗專業之外，仲有一股藝術氣息迎面而來，係好特別嘅表達方法。
公司網頁變身成為一幅藝術品，唔單止介紹公司收藏咗嘅藝術珍品，十二位領導團隊重粉墨登場添！望到英高個網頁，絲絲即刻聯想到達文西名畫《最後的晚餐》中嘅十二使徒和門徒造型，團隊嘅扮相交足戲，重幾維妙維肖。
英高個官網真係落足心機，完全配合到公司「我們嘅名字刻畫了我們嘅精神 我們是工藝大師、開拓者和領導者」嘅口號。好似創始人及聯席董事總經理祁立德（Stephen Clark）鍾意收藏藝術品，佢嘅簡介相就係同好多重要嘅私人收藏品合照，其中最搶眼就係Thomas Whitcombe嘅《Shipping off English Coast》，介紹重話祁立德一直密切參與公司喺藝術品方面嘅競投和收藏策劃。
睇嚟，佢哋真係好相信，大師級嘅優雅作品，可以令緊張單調嘅辦公環境平添濃厚嘅藝術氣息，絲絲都想辦公室多啲大師作品囉！
一九八三年已嚟香港打滾嘅Stephen Clark，座右銘係「Where there is a will there is a way.」即係有志者事竟成咁解。
余絲韻