美國周三將發行價值150億美元的兩年期浮息國債，係財政部十七年來首次推出國債新品種。
財政部仲計劃四月、七月同十月再發行另一批浮息國債。財政部推出浮息國債，係意識到定息國債的吸引力會慢慢下降，因政府擔心投資者會預期未來通脹升溫，而聯儲局退市，未來債息將不斷向上。如果係加息周期，浮息債券的吸引力自然上升，於是財政部就諗計，希望吸引投資者繼續買國債。
喺企業老闆眼中，想見到經濟好先願意加大投資，但喺聯儲局眼中，企業唔願意加大投資經濟亦唔會好。
故此，推出浮息國債的問題係，萬一聯儲局有信心短期內通脹唔會升溫，或退市步伐唔會加快導致債息抽升，聯儲局就可以繼續以低成本融資，利息支出唔會加大。
不過，買咗浮息國債投資者諗住收高息，結果可能失望而回。要喺聯儲局身上賺錢，談何容易？
GMO CLICK環球通副總裁 陳健豪