絲絲講場：建造業議會服務中心開張
建造業議會上個禮拜，為設於港鐵南昌站嘅首間服務中心揭幕，議會主席李承仕同絲絲講，作為議會提升建造業形象、吸引香港年輕人入行嘅社區推廣計劃一環，南昌站服務中心係議會首個設於港鐵站內嘅一站式服務平台，將為公眾提供有關建造業資訊，議會各項註冊服務及培訓課程嘅資料，並包括議會最新動向。
揭幕嗰日好熱鬧，除咗李承仕之外，仲有議會轄下建造業訓練委員會（CITB）及建造業工人註冊委員會（CWRB）兩位主席參加。傳統嘅切燒豬儀式唔少得，議會更為各嘉賓安排導賞團，等佢哋親身體驗一下中心提供嘅各項服務。
冀助公眾認識建造業
李承仕話：「我相信服務中心能進一步拉近議會及建造業與公眾之間嘅距離，讓廣大市民認識建造業議會及建造業界，尤其建造業嘅前線從業員，能更進一步認識建造業現時嘅最新發展。」
個服務中心已經開咗喇，辦公時間係星期一至星期日，中午12時至晚上8時（公眾假期除外）。
余絲韻