魯比尼話，愈嚟愈多紐約富有家庭都請中國保姆教小朋友講普通話，雖然英文仍會係全球主要嘅商業語言，不過佢覺得普通話未來會成為主要語言之一，學識咗仲可以更加好咁去了解中國文化、經濟同埋歷史。仲話，預計全球有9億人嘅母語係普通話，呢個人數幾乎係美國人口嘅三倍。
羅傑斯教女讀中文
唔單止魯比尼要學普通話，「商品大王」羅傑斯更加行得快，早已經安排兩個女學普通話，依家已經好流利，舊年出席新加坡一個論壇時更即席用字正腔圓嘅普通話朗誦唐詩同唱兒歌。
羅傑斯就話，21世紀係中國世紀，所以覺得送畀兩個女嘅最好禮物，就喺畀佢哋學習純正中文嘅機會。
余絲韻