花旗銀行學堂喺港大開壇，話咁快就十周年，香港及澳門區行長盧韋柏（Weber）都係港大舊生，佢尋日同49位師弟妹講話，智慧呢家嘢唔係靠齋睇本書，識得待人接物同埋應變能力都好緊要。佢仲請埋畢業同學仔分享，睇怕就嚟可以組個舊生會。
以Weber嘅資歷，再加埋佢道氣場，啲學生聽佢講嘢真係大大力點頭，睇嚟好有說服力。有個學生喺花旗法規部做實習，覺得自己成個裁判咁，又有人教，好有得着。緊係啦，絲絲收到風，呢個近三十小時嘅Course，導師精英盡出，好似林鈺華、張敏華、郭炬廷，全部都係花旗高層，銀行學堂一啲都冇欺場。
課程好緊貼銀行業發展，例如有堂專教電子銀行。尋日花旗喺又一城開咗間智能銀行，唔知有冇學生喺度實習呢？
余絲韻