絲絲講場：滙豐五色Model襯新卡
商務卡嘅多寡，直接同經濟、經營環境掛鈎，滙豐喺一四年開始冇耐，就推出5張公司同商務MasterCard，證明今年經濟應該唔錯，佢哋仲搵左設計師鄧業成設計5套時裝，用唔同色系同國籍嘅Model行Catwalk，襯返晒5張新卡個設計，非常吸引眼球。
海外簽帳積分加碼
滙豐拍住MasterCard一口氣推5張新卡，包括港元環球商務、環球公司、白金公司同白金採購卡，另外加多張美元環球商務卡，滙豐就請咗5個唔同嘅索爆Model，着住藍、銀、紅、綠、黑色時裝帶住張卡出嚟，而且同張卡嘅功能互相呼應，例如美元環球商務卡個Model套衫係綠色，襯返美元鈔票。
滙豐香港工商金融主管陳樑才大讚張卡嘅優惠，唔單止客戶可以免費用機場貴賓室，仲加碼海外簽帳積分回贈至0.8%，好有信心吸引到啲客戶。不過，依家滙豐公司同商務卡都係用Visa，聽聞出新卡之後，就會成個公司同商務信用卡組合都會轉晒過去MasterCard度。
余絲韻