絲絲講場：招股書未備妥中華包裝「頂硬上」

今年平安夜迎來嘅唔係報佳音，亦唔係聖誕禮物，而係招股書！絲絲講緊嘅係本年度最後一隻招股嘅新股——中華包裝（01439），話說尋日公司為趕及在二十七號招股，揀在聖誕前夕開記者會，但唔知係咪因為趕得滯，竟然連招股書都未印好，要速遞後補！

公關公司尋日同絲絲講，現場只有幾本招股書，記者可能要輪住睇，或者睇住新聞稿先，招股書要稍後速遞咁話。不過嗰幾本珍貴嘅招股書最後好似只係淪為管理層影相嘅道具，大部分行家都係埋頭睇新聞稿資料，而公關臨走前亦印咗幾疊招股內容畀記者拎走，情況真係有啲狼狽！