憑單換紙巾 ATM機打蛇餅
話說內地有銀行搞活動，客戶憑10張ATM操作回單，可領取紙巾或香皂，唔好睇小呢啲細眉細眼，真係有大爺大媽專程為禮品而來，在ATM機上存完又攞、攞完錢又存返入去，甚至1,000元分成10次取，真正急需攞錢嘅人，真係激死。
其實為咗一包紙巾，成功集齊十張操作單據之後，又要去番銀行大廳，等工作人員登記銀行卡號等訊息後至攞到紙巾，聽落都好搞笑。
銀行就話原本想鼓勵市民積極使用自助設備，減少櫃枱排隊時間。冇諗過部分市民一次過喺ATM機操作10次，佔據資源和時間，呢啲都係事前諗唔到嘅。
余絲韻