匯市好有可能行先市場，美元唔需要好似聯儲局咁循序漸進收水而慢慢升，只要等班炒家放完假歸位，相信就會率先將美元炒上。
讀者們可能會問，美匯指數都未升？事實上，美元未升，套用好多股評人前輩講股市嘅口脗，係壓住個指數買貨，講緊嘅係強到有啲唔合理嘅歐元，因美匯指數有57%係歐元，歐元唔跌自然令美匯指數有唔升嘅假象，當歐元到最後先跌，美匯指數最後先會升。
最後一個星期，筆者都唔建議再大手買賣，最多係做定部署，而上文強勢貨幣兌弱勢貨幣嘅交叉盤，例如英鎊兌日圓、英鎊兌澳元、紐元兌日圓、澳元兌紐元呢四隻貨幣，都係下年嘅非美元貨幣兌嘅重點貨幣！祝大家有個愉快嘅聖誕假期！
GMO CLICK環球通副總裁 陳健豪