唔使絲絲多講，內地網購嘅增長力驚人，逼到唔少傳統零售商都要搞埋網上平台。一早講明要力拓電子商貿業務嘅周大福（01929）仲犀利，話即將推出自己嘅社交同埋銷售平台「樂提網」，目的咪就係希望吸引多啲年輕顧客群。
絲絲聽講，呢個樂提網會提供好多唔同嘅購物資訊，而且呢個網除咗賣金飾珠寶外，仲有電子、服飾及美容等等唔同產品。
據講樂提網已經試行運作差唔多半年，依家只係得內部員工幾萬人參與到，不過明年中開始，樂提網將會開放出來畀消費者。
事實上，周大福除咗呢個樂提網外，依家已有周大福網絡旗艦網，仲經第三方平台天貓同京東商城都有設網店。多管齊下，相信周大福電子商貿會行得比同業快，不過相應投資都比較多，呢條數就真係要認真計下喇。
余絲韻