翠怡花園業主愁 細兩房跌價

設商場 配套完善

另外，屋苑臨近海濱而建，居住環境優美，附近社區配套又完善，除了自設小商場，內有食肆及民生商舖外，青衣市政大廈、青衣公園、巴士總站等社區配套近在咫尺，閒時行多兩步到青衣城購物、睇戲，消閒娛樂一應俱全。

屋苑另一特點是供應建築面積400餘方呎的細兩房戶，今年普遍樓價企硬300餘萬元，惟近月新盤搶客，細兩房樓價亦現跌勢，本月有驚青業主以278萬元沽售5座一個低層單位，做價創屋苑今年新低位。

中原陳輝麟表示，現時平過350萬元的細兩房放盤約有十個，入門盤為1座低層C室細兩房戶，建築/實用面積482/365方呎，業主趁租客搬走放售套現，七月曾叫高位價380萬元，最近回歸市價320萬元，實客還有價講。