散戶O晒嘴 早市沽貨執身彩
美股周三再度「破頂」，昨不少散戶早已到證券行觀察港股開市狀況，但「一場歡喜，一場空」，恒指昨高開逾二百點後，全日倒插逾二百點，散戶均「O晒嘴」。
昨日開市前，致富證券大埔分行已坐滿散戶。分行經理朱永年指，電話響不停，但主要是查詢新股表現，「唔少散戶有抽福壽園（01448），見暗盤價急漲，最多人打電話嚟掛盤沽貨。」。
不過，港股之後下跌，朱永年指，散戶反應愣然，但因不少在上午已獲利沽貨，故「執返身彩」。他指，散戶無所適從，但因市場憧憬中央陸續有扶助政策出台，散戶多對後市仍有信心。
「可以炒到年尾」
散戶Pasu指：「近期港股主要受A股拖累，美股升市都無作用，好彩朝早高位沽咗隻中信証券（06030）﹗大市成交仲有七百幾億，睇個市可以炒到年尾，會吼實今年最後三至四個交易日撈華夏滬深三百（03188）同中信証券博出年反彈。」
大學生散戶Chapman稱：「港股一支大陰燭咁插落黎，內地股市又唔掂，恒指個勢應仲會向下調整，新年前會抱觀望態度，乜都唔敢掂住，好彩手頭上啲股票都係長揸為主，下星期會去旅行，等個市跌到22,200點水平，先撈內地環保股同科網股。」