絲絲講場：AIA「友」心曲奇啖啖愛
聽日如果你喺中環、銅鑼灣及尖沙咀鬧市，見到有人向你派愛心曲奇，唔使唔好意思，呢個係AIA Y Club聖誕「友」心派大行動，分分鐘係友邦香港及澳門首席執行官陳榮聲，如果收到就食得開心啲喇。
幫弱勢社群創就業
佢哋準備咗四萬五千塊愛心曲奇，目的係喚起大家用愛心關懷社會上有需要人士。除陳榮聲外，好多高層都會參加，再加埋300名Y Club新世代保險專才，齊齊派餅，都幾壯觀㗎，到時仲會有樂隊演奏聖誕歌。
愛心曲奇係由香港聖公會福利協會「康恩園」嘅復康人士親手製作，全部採用天然新鮮材料。友邦香港希望透過呢啲健康兼美味的曲奇，為弱勢社群創造就業機會之餘，更向市民宣揚健康生活訊息；喺聖誕節品嘗一口甚具意義嘅曲奇，相信會分外甜蜜。友邦香港及澳門營業拓展總經理鄭國成，同埋一班AIA Y Club財務策劃顧問，早前特別去康恩園，同復康人士一齊合力製作聖誕愛心曲奇。
余絲韻