恒生林偉中慈善獻跑

原來前日係「恒生慈善跑」既深圳站，自己銀行搞嘅活動當然要支持下啦，所以林偉中就獻出上任行長後嘅第一次，率領內地成百個銀行員工跑馬拉松。同場仲有恒生中國副行長兼南區主管劉鑑坤、恒生傳訊及企業可持續發展總監張樹槐（Walter），兩Banker都精力十足，跑足全程，仲快過d年輕人！

籌15萬元捐贈運動鞋

Walter話，呢場已經係佢兩星期入面第三場馬拉松，之前去左跑廣州國際馬拉松，又完成埋ICC 100嘅垂直馬拉松。佢仲話，同一班傳媒朋友唱完飯唱完K後，得4個鐘訓覺，之後就要晨咁早4點鐘起身食早餐，話係因為跑「全馬」，一定要提早3個鐘食嘢，果然係專家呀！

今年，恒生中國更代表完成賽事嘅同事，籌集總額逾15萬元人民幣善款，將用嚟購買3,600對運動鞋，送比內地西部貧困兒童。