日圓近兩周成為市場焦點，沽日圓是市場主流意見，上星期初其中一個藉口係伊朗同六國就削核達成協議，令風險胃納上升，同埋用日圓做融資貨幣套息交易！
雖然未來六個月仲未解禁伊朗石油出口，不過已經令油價繼續下跌，其實環球各國都可能受惠於油價下跌，呢件事對各國嚟講可謂家家有求，各取所需。不過，IMF早前雖下調環球經濟增長預測，即係經濟復甦未如預期咁強，但油價下跌令美國GDP稍為上升0.2至0.3%，為美國復甦增添一點動力。
對日本嚟講，油價下跌，可令其毋須在日圓貶值令購買力大減的同時仲要捱貴油，對紓緩貿易赤字有幫助，令日本央行在繼續將日圓貶值上，可擔心少一個因素。
總括而言，美元仍在整固階段，投資者可揀基本因素弱貨幣埋手，澳元兌美元阻力現處0.9270同0.9350，相信升穿呢個水平機會唔大，而短期支持在0.9050。
GMO CLICK環球通副總裁 陳健豪