如果我係歐洲央行官員，眼見早前歐洲經濟最壞時機過去，策略上自然係唔好畀佢停，繼續出口術明示暗示實施負利率或LTRO等進一步放水嘅措施，目的係要令歐元匯價回落，進一步令歐洲經濟復甦添上動力。
如果呢個思維無錯，歐元自然難以進一步走強，今個星期趁美元有少少調整，最理想係見到1.3620水平開歐元淡倉，止蝕1.3720，目標先睇1.34水平。
「退市」兩字由五月玩到依家真係玩得太耐，如果係今年十二月可以退，會令市場意外，美元自然爆升。就算係明年三月，聯儲局只要唔係出其不意進一步放水，同歐洲、日本仲繼續放水仍有明顯分野，美元相信不會忽然急跌。
GMO CLICK環球通副總裁 陳健豪